PROBLEMA: INSERTAR FLASH EN BLOGGER

Para poder insertar un arquivo flash en Blogger, primeiro temos que aloxar na rede o arquivo .swf. Nun sitio de pago ou, entre outros, en Dropbox ( eu provei varios que propoñen na rede pero so logrei que me funcionase neste. Unha vez subido prememos nel para ver o seu enderezo, que copiamos e pegamos no seguinte código, escrito na nova entrada, dentro da pestana "Edición HTML":

<embed src="enderezo do arquivo" height="400" width="400"></embed>

Velaquí un exemplo:

PROBLEMA: CREAR GALERÍA EN WORDPRESS

Para crear unha galería en Wordpress temos que dar os seguintes pasos:
1-Subir as imaxes a Multimedia.
2-Dentro de Multimedia, en cada imaxe, en Attach, seleccionar o artigo no que queremos inserilas.
3- No artigo premer a opción Html e escribir:

[gallery]

RECURSO: ANTIVIRUS PC VELLO

Cando tentamos manter con vida un pc de máis de 8 anos un dos problemas, amáis do sistema operativo é o antivirus. Un como Avast pode deixar sen folgos a computadora. Nestes casos é imprescindibel algo tan lixeiro como Tren Micro HouseCall

Chave

C47847472H1200A0013-77AH1DXZ

RECURSO: PROPOSTAS INTERACTIVAS PARA O DÍA DA PAZ

Velaquí van unha serie de propostas para traballar:

Web-quest "O día da paz"

Lim "Paz"

Xogamos "Vai estalar a Paz"

Lim "Entre todos construímos a Paz"

Lim "O castelo de area"

PROGRAMA: LIM

LIM permite elaborar unha morea de actividades interactivas. Nalgures xa está desbancando ao Click nas preferenzas dos docentes. Doado de empregar e moi agradecido. Preme nel para acceder a súa páxina.

PROBLEMA: INSERIR VIDEO DE YOUTUBE SEN QUE SE REDIRECCIONE

Ao traballar cos máis pequenos, visionando vídeos de Youtube, atopámonos moitas veces co problema de que se saen axiña da nosa páxina, ao activar (premendo varias veces) a redirección do video. Para evitar isto so temos que inserir e modificar uns pequenos fragmentos de código:

• Inserir (ver nas imaxes):

allowNetworking="internal"
wmode="transparent"

• Modificar:

allowscriptaccess= "always" por "never"

1. Se o queremos facer nun video xa inserido na web ou blog, sería deste xeito (entrar en Html e engadir tamén param name= e value=):
2. Se o facemos nunha nova entrada, antes de publicala, co código embed orixinal de Youtube, sería:

Vexamos un exemplo:

PROBLEMA: VER FIREFOX A PANTALLA COMPLETA

Poder ver xa unha imaxe ou páxina de Internet, xa un arquivo flash (swf) en toda a pantalla (fullscreem), sen as barras de ferramentas que habitualmente aparecen na pantalla, é moi doado en Firefox. So temos que premer F11 e xa está. Idem para o contrario.

PROBLEMA: INSERIR TÁBOA EN BLOGGER

Para poder inserir unha táboa en Blogger non temos máis remedio que activar a pestana HTML e escribir código:

Isto é unha proba

Eis outra

Velaquí o código:


Nela, sinalamos a cor e o borde, con "td" as columnas e con "tr" cada fila a maiores da primeira.
Puxemos o texto, pero se queremos podemos deixalo parta escribilo logo co editor normal no cadro creado. Non aparece cor do texto nin tamaño de táboa porque esto fíxeno a posteriori, tamén co editor normal (pinchar e arrastrar).
O texto, como se ve na táboa aparece aliñado á esquerda, faino o editor Html por defecto. Podemos pórllo co código no comezo ou modificalo cando blogger convirta a táboa a Css ( se cambiamos a Publicar e logo volvemos a Html, topamos que variou o noso código):


Cambiamos dentro de cada celda (td), no align= left por center e xa ficou centrado o texto:

Isto é unha proba

Eis outra

PROBLEMA: ACTIVAR REDE INALÁMBRICA UBUNTU

Ao configurar a rede inalámbrica de Ubuntu, ás veces podemos levarnos a sorpresa de que a pesares de ter ben editada a rede, esta aparécenos sen conexión.
Imos a Sistema>Control de harware e pode suceder que:

-Apareza a tarxeta de rede:
eliximos actualizar, instalar

-Non apareza ésta:
Imos ao Terminal e escribimos:

lspci | grep Network

Así poderemos coñecer a tarxeta. Logo localizamos en Internet o aplicativo correspondente.

PROBLEMA: OCULTAR VER BARRA FERRAMENTAS FIREFOX

Se queremos ocultar ou ver algunha das barras de ferramentas imos a Ver>Barras de ferramentas e seleccionamos as que queremos ver ou ocultar. O problema é cando está desaparecida tamén esta barra. Prememos Alt. e xa aparece provisoriamente esta barra. Executamos entón Ver>Barra de ferramentas>barra de menú. e xa fica fixada.

RECURSOS: IMAXE DE LOIS PEREIRO

Aquí queremos facer un pequeno aporte sobre a imaxe do homenaxeado no Día das Letras Galegas de 2011. Está a disposición de quen o precisar. Para descargala podemos premer coa tecla dereita do rato e elixir "gardar como". Se queremos o tamaño orixinal prememos na imaxe e logo repetimos a devandita operación. Para conservar o formato nas beiras, gardar sempre como .gif ou .png

PROGRAMA: GRAVAR E COPIAR CD

Free Easy CD DVD Burner V4.1 é un sinxelo e lixeiro programa para copiar e gravar Cd e Dvd. É de balde e ,en pesando pouco, vai tamén moi ben nos computadores máis vellos.
Única pega: non copia directamente os discos; primeiro hai que crear a imaxe e logo gravala.

PROBLEMA: CAPTURAR PÁXINA COMPLETA

As veces queremos facer unha captura de pantalla, mais a páxina é máis longa que esta. Firefox dispón dun complemento moi sinxeliño e efectivo que nos soluciona o problema.
Chámase Page Saver, e cun sinxelo clic fica instalado. Vai aparecernos entón umha imaxe como esta na barra de ferramentas. Un clic na cámara e xa está capturada toda a páxina.









Para descargar premer na parte inferior do recadro que como este ides atopar na páxina.
Ollo!, e non nos esquezamos de darlle a Permitir Firefox na parte inferior da barra.

RECURSOS: MINI ATLAS XEOBOTÁNICO DE GALICIA

Unha extraordinaria ferramenta online para coñecer a natureza do noso pais. Un recurso básico para a aula. Preme na imaxe.

PROGRAMA: GOOGLE TALK, CHAT PRIVADO DE LETRA, SON E VIDEO

Ter unha conta de gmail permítenos acceder ao servizo Google Talk. Con el podemos comunicarnos por escrito, de voz ou de imaxe con outra conta gmail que teña descargada a aplicación, e mesmo sen entrar na caixa de correo, enviarnos arquivos de xeito inmediato (só seleccionar arquivo e xa está). Para poder dispor tamén desta última posibilidade, a día de hoxe temos que descargar a versión inglesa.

GOOGLE TALK

PROGRAMA: BESTPRACTICE, VARIAR A VELOCIDADE DO SON

O programa Bestpractice permítenos acelerar, ralentizar os arquivos de son, cambiarlle o ton... e gardar o arquivo modificado. Moi sinxelo de usar.

PROBLEMA: NON SE VEN TODOS OS PROGRAMAS EN INICIO DO XP

Se queremos botar unha ollada aos programas que temos no computador todos prememos: Inicio>todos os programas. A lista deles pode chegar ata tres columnas. Se nos pasamos, os programas que teñamos a maiores non os poderemos ver dese xeito. Unha forma de solucionar o problema é:
Imos ao menu Inicio. Pinchamos Todos os programas co botón dereito. Eliximos Propiedades>Menu Inicio, nel prememos en Personalizar. Escollemos Opcións avanzadas. Dentro dos elementos do menu Inicio seleccionamos Desprazarse polo menu Programas.
Aceptamos e a partir de entón poderemos movernos de arriba cara abaixo por todos os programas.

PROGRAMA: WINDOWS GALEGO

Aquí podemos descargar o parche para Xp

PROGRAMA: MOZILLA GALEGO

Este navegador libre, a máis de nos protexer millor, podemos desfrutar del no noso idioma.